Kavita : છે
કેવી રીતે કહું હું અહીં બધું બરોબર છે?
લાગણીઓ બધી મારી સૌ અગોચર છે.
આંખમાં તારી ડૂબીને કદી મરી જઈશ;
તારી આંખ છે કે કોઈ માનસરોવર છે?
તારી સુંદરતા વિશે શું કહું હું ઓ સનમ?
તારા સિવાય બીજું ક્યાં કોઈ મનોહર છે?
ઇશ્ક ઈશ્વર, ઇશ્ક ખુદા,પ્રેમ એ પયગંબર;
દોસ્ત,ઇશ્ક જ ફાની દુનિયાની ધરોહર છે.
આવીને કદી એને ય તું પવિત્ર કરી જા;
તનમન મારું તારા વિચારોનું ગોચર છે.
ખુદને હારીને ય હું જીતતો રહ્યો હરદમ;
મારી સાથે લડનારા સૌ મારા સહોદર છે.
કોણ સાંભળે અહિં નટવરની વાર્તા હવે?
કહાણી જિંદગીની એક સરખી ઘરોઘર છે.
-નટવર મહેતા